xoves, 23 de marzo de 2017

25 de Marzo- NINGUÉN SEN DEREITOS

A rede Galega en apoio ás persoas Refuxiadas súmase a convocatoria de manifestación en apoio ao artigo 25 dos dereitos humanos. Participarán distintos colectivos do ámbito da defensa da Educación, a Sanidade, o Traballo e os dereitos humanos 
O sábado 25 de Marzo sairá as 18:30 do Parlamento Galego, na rúa Horreo de Santiago de Compostela


café-coloquio GALIZA-EUROPA, a crise Europea e d@s refuxiad@s vista dende Galiza

O BNG de Ames convídate ao café-coloquio GALIZA-EUROPA, a crise Europea e d@s refuxiad@s vista dende Galiza,que terá lugar o vindeiro venres 24, ás 20h no Café Ferlós (Praza da Amaía, Bertamiráns-Ames)
Intervirán:

Ana Miranda, portavoz BNG Europa,Felipe Carnotto, fotoxornalista e autor de “A Ruta dos Refuxiados”
María Lalín, xornalista e activista

sábado, 11 de marzo de 2017

ENCONTRO CON DJIBRIL FAYE - Santiago de Compostela

O próximo mércores 15 de marzo, ás 20h, no CSC Agustín Bueno do Castiñeiriño vai ter lugar un encontro con Djibril Fayé, inmigrante senegalés que chegou hai 10 anos ao noso país. Djibril falaranos da súa experiencia persoal de fuxida do seu país, Senegal, e acollida en Galicia, onde colabora na ONGd Ecos do sur, (www.ecosdosur.org) unha Organización de A Coruña que se dedica á cooperación e integración de persoas migrantes. O encontro está organizado pola Rede en Apoio ás Persoas Refuxiadas de Compostela, e conta co apoio da Asoc. Veciñal O Castiñeiro e a Asoc. de Mulleres Recandea, do barrio do Castiñeiriño.
A Rede en Apoio a Persoas Refuxiadas está composta por diferentes organizacións, ONG e colectivos que queren visibilizar na nosa cidade o problema humanitario que está a supoñer a mala xestión migratoria da UE e do Estado Español. Con este acto queremos poñer cara e voz ao problema da migración no noso país, resolver dúbidas e disipar prexuízos sobre as persoas migrantes e refuxiadas. Ademais, aproveitaremos o acto para presentar no barrio do Castiñeiriño de Santiago a campaña de recollida de firmas que a Rede está a poñer en marcha para esixir ao goberno que cumpra os compromisos de acollida que ten subscrito ante a UE, e a anulación do acordo entre UE e Turquía así coma tódolos tratados que están a supoñer un risco na garantía de cumprimento da Declaración dos Dereitos Humanos.
Esperamos contar coa vosa presenza para ir derrubando barreiras e prexuízos nas cuestións de migración, asilo e refuxio.

Marisa Vidal Collazo
Tfno 676 180 127
RAPR Santiago




venres, 10 de marzo de 2017

Campaña de recollida de sinaturas-Marzo 2017

A Rede Galega de apoio ás persoas refuxiadas arranca esta campaña de recollida de sinaturas coa intención de que nos movilicemos de novo para conseguir que remate esta terrible situación, a campaña respalda o manifesto introducido por rexistro o 22-2-17 que pódese leer aquí  demandas rederefuxiadas  . Como primeiro paso inmediato esiximos ao Goberno Español:

- CUMPRIR INMEDIATAMENTE OS COMPROMISOS DE ACOLLIDA E REUBICACIÓN DE PERSOAS REFUXIADAS COMPROMETIDOS POLO ESTADO ESPAÑOL ANTE A UE.

-A ANULACIÓN DO ACORDO ENTRE A EU E TURQUÍA E DE TODOS OS TRATADOS QUE SUPOÑEN A VULNERACIÓN E UN RISCO PARA A GARANTÍA DOS DEREITOS HUMANOS DAS PERSOAS

Pódese colaborar de duas maneiras:

1- Recollida de sinaturas  físicas: os materiais se poden baixar neste enlace
materiais para a campaña  
e despois envialos por correo postal á : Rederefuxiadas. C/Ensinanza 9-2º-15703.Santiago de Compostela,A Coruña


2- Campaña de sinaturas online: poder asisnar e dar difusión aquí  Rachemos coas fronteiras



luns, 13 de xuño de 2016

A Rede Galega en Apoio ás Persoas Refuxiadas convoca novas mobilizacións en toda Galicia


A Rede Galega en Apoio ás Persoas Refuxiadas, formada por máis de 70 colectivos, asociacións, ONGD, sindicatos e partidos políticos convoca novas mobilización en toda Galicia arredor do 20 de xuño, día mundial das persoas refuxiadas.
Baixo o lema 'Non ás guerras. Rachemos coas fronteiras' A Coruña, A Guarda, Compostela, Ferrol, Lugo, Ourense, Pontevedra e Vigo sairán ás rúas para esixir rutas legais sen condicións; o cumprimento dos convenios internacionais en materia de asilo e refuxio; que se revise en profundidade a política migratoria e exterior europea; e o respectos dos dereitos humanos das persoas que se viron obrigadas a fuxir da guerra, a violencia e a fame.

As mobilizacións convocadas son as seguintes:

A CORUÑA. 19 de xuño, ás 12 horas, dende o Orzán.
A GUARDA. 18 de xuño ás, 20 horas, dende a Alameda.
COMPOSTELA. 19 de xuño, ás 12 horas, dende a Alameda.
FERROL. 19 de xuño, ás 12 horas, dende a Praza España.
LUGO. 20 de xuño, ás 20 horas, diante do Edificio da Xunta
OURENSE. 20 de xuño, ás 20:30 horas, dende a Subdelegación do goberno
PONTEVEDRA. 19 de xuño, ás 12 horas, na Praza da Peregrina.
VIGO. 19 de xuño, ás 11:30 horas, na Doblada

Demandas da Rede
As demandas dos 70 colectivos, organizacións, movementos sociais, sindicatos e partidos políticos que conforman a Rede aos distintos gobernos para esixir a garantía e o cumprimento dos dereitos das persoas refuxiadas son:

Redadas, CIE e deportacións: a maquinaria represiva da política migratoria

Esta semana a Rede Galega en Apoio ás persoas Refuxiadas organiza xunto ao Foro Galego de Inmigración dúas charlas con Eduardo Romero con motivo da publicación dos seus novos libros arredor da temática migratoria. As citas son o martes na Coruña e o mércores en Santiago de Compostela.

Co título "Redadas, CIE e deportacións: a maquinaria represiva da política migratoria.", o activista do colectivo Cambalache de Uviéu, Eduardo Romero, introduciranos na súa visión sobre o feito migratorio e o papel que xoga no mundo actual, isto é, en como o sistema capitalista e patriarcal ten a necesidade de provocar a mobilidade forzada de millóns de persoas.

luns, 9 de maio de 2016

A Rede insta os concellos galegos a posicionarense en contra do acordo entre a UE e Turquía

A plataforma iniciou hoxe unha campaña coincidindo co Día de Europa para que os plenos municipais se posicionen publicamente e aproben mocións para garantir os dereitos das persoas refuxiadas

O número de concellos aos que se insta a sumarse ás peticións da Rede irase ampliando ao longo dos vindeiros días

martes, 26 de abril de 2016

Este xoves, organizamos encontro con Beatriu Guarro (Stop Mare Mortum)

Este vindeiro xoves 28 de abril a partir das 20 horas, a Rede galega en apoio ás persoas refuxiadas organiza unha charla coa portavoz da plataforma catalá Stop Mare Mortum Beatriu Guarro. Terá lugar na aula 8 da Facultade de Xeografía e Historia.

luns, 25 de abril de 2016

Boa acollida da primeira mobilización da Rede


O pasado sábado en Compostela tivo lugar a primeira acción de rúa da Rede galega en apoio ás persoas refuxiadas. Unha manifestación que percorreu as rúas de Compostela baixo o lema “Rachemos coas fronteiras. Non ás guerras” e acompañou toda unha xornada reivindicativa que tivo continuación na tarde cun festival solidario na praza 8 de marzo.